سلسلة تعليم الطبخ للمبتدئات ( الأرز الأبيض )

من طرف أم مريومه الأحد مايو 04, 2008 9:26 am

أول حاجه لازم الكل يعرفها هى

الأرز الأبـــيض

سلسلة تعليم الطبخ للمبتدئات ( الأرز الأبيض ) Shf2jmnxzr96710cyviimf1h8tk9mk5k

المقــاديــر
كوب أرز
ملعقة و نصف كبيرة زيت
1/2 ملعقة صغيرة ملح

كوب ماء لو الارز عادى
كوب الا ربع لو الارز جديد
كوب وربع لو ارز التموين

الطـــريـقة
اغسلى الارز كويس و صفيه من الميه كويس وسيبيه لحد ما ينشف و لو مستعجلة مش مهم ينشف
تسخنى الميه على النار و فى نفس الوقت تسخنى الزيت فى الحلة
و بعدين تحطى الرز و تقلبيه لغاية ما كل رزايه تتغطى بالزيت عشان يفلفل و تحطى الملح و تقلبى تقلبتين كمان و بعدين تحطى الميه السخنة و تغطيه لحد الميه ما تنشف من عليه ( حوالى دقيقتين تلاته
و بعدين تقلبيه عشان يفك من بعضه و توطى عليه النار و تحطى الشياطة تحته
وبعد دقيقتين كمان تقلبيه تانى و تسيبيه بقى لحد ما يستوى حوالى من تلت الى نصف ساعة

و ممكن تحطى الميه عادية من الحنفيه من غير ما تسخنيها بس عن تجربة الميه السخنه بتدى نتيجه احسن و كمان بتقلل من وقت الطبخ

و بالهنا و الشفا سلسلة تعليم الطبخ للمبتدئات ( الأرز الأبيض ) 10