سلسلة تعليم الطبخ للمبتدئات( الشوربة )

من طرف أم مريومه الأربعاء مايو 14, 2008 8:48 am

الشوووربة

سلسلة تعليم الطبخ للمبتدئات( الشوربة ) Traidnt-5902b73d3c

طبعاً دى برضه مهمة جداً لأنها الاساس لعمل معظم الخضار بعد كده
و شوربة اللحمة و الفراخ و الارانب و الذيل و الكوارع كلها زى بعضها مع اختلافات بسيطه وهى :

الارانب و الذيل و الكوارع قبل مانطبخهم نغليهم غلوتين فى ميه يادوب تغطيهم و بصلة عشان تروح الزفارة و بعدين نكب الميه دى من عليهم و نغسلهم و نبدأ نطبخهم بالطريقة اللى هقولهالكوا دى

المقادير

اللحمة او الفراخ او الارانب او اى حاجة
ملعقة كبيرة سمن او زيت للى مش بيحب يطبخ بالسمن
ماء
ملح - فلفل - مستكة - حبهان - زنجبيل ( اختيارى )
بصلة متوسطة

الطريقة

نحط السمن و الحبهان و المستكة و نسخنهم فى الحلة على النار لحد المستكة ما تسيح
وبعدين نحط اللحمة او اى حاجة و نقلبها تقلبتين لغايه ما لونها يتغير و بعدين نحط الميه و نغطى عليها لحد ما تغلى

و بعدين نحط البصلة و التوابل ما عدا الملح و نغطى عليها و نحطها على نار من هادية لمتوسطة لحد ما تستوى

الملح نحطه لما اللحمة تقرب تستوى لان لو حطيناه فى الاول هيطول وقت السوا

و متنسوش الملاحظة اللى قلتهالكوا فى الاول

وبالهنا و الشفا