هل توافق ان يحكم بلدك امرأة

من زمان وانا كنت ديما لما اشوف وحده ست وزيره او سفيره اقول لنفسى ياترا هيجى اليوم الي يبقى رئيس جمهوريه مصر العربيه اسمها رباب مثلا واقعد افكر واسئل نفسى اسئله خايبه طيب جوز الريسه يبقى اسمه ايه حرم الريسه طيب افرض مثلا ان الريسه ربنا كرمها وجيلها مولود فى السكه تعمل ايه تاخد اجازه وضع مثلا طيب لما تحضر احتفال قومى مثلا..طيب الجماعه المنافقين حيقوللها ايه ربنا ينتعك بسلامه ياريس وافرض ولدت حيوزعو السبوع على بطايق التموين مع الزيت والسكر.......
طيب تخيل معى اجتماع لمجلس الشعب طبعا الجماعه الاخوان مدين ظهرهم للريسه عشان طبعا هى مش محجبه.. اكيد .. وبتوع الحزب الوطنى عملين يقولو يا سلام عليكي يا ريسة يا جامده لا تقولو نانسي ولا هيفاء ...... الخ
وبعدين انا نسيت حاجه مهما اوى ؟؟؟؟ الستات حتعمل فينا ايه اذا كنا دلوقتى عشان الريس بيحب مراته شويه(ربنا يخليهالنا ويطول عمرها ) وخده التلفزيون لحسبها كل ما افتح التلفزيون يا خويه بعد الظهركده القى برنامج حواء والعصر برنامج هى وبليل عزيزتى انا مش عارف ايه... الخ الي بيجى الصبح عشان ببقى فى الشغل
المهم انا قولت لنفسي انا كده ماليش عيش فى البلد دى انا لازم اروح اليابان قصيرين وأنا طويل .. أكيد هيبقا في فرق ...
قعدت افكر فى الموضوع ده وانا قاعد لوحدى نصف ساعه وعمال اضحك لوحدى فى الاوضه لحد ما امى دخلت على قالت مالك انت اتجننت يا بني ولا ايه. قولت اسئلها فى الموضوع ده قولتلها اه رائيك يا ماما لو الست بقت رئيسه جمهوريه ضحكت كده وقالت يابنى الست ملهاش غير بتها وولدها .........
وبعدين هى اساسا الست عارفه تدخل المجلس دى بتدخل بلعفيه.............
قالتلى يا بنى سبب ان البلد دي حلها بقى كده ان كل واحد فى بلدنا فى مكان غير مكانه
هى لو الست كانت قامت بدرها وربت عيالها صح كان زمان الحال غير الحال كانت بقا عندنا الدكتور المحترم والمحامى المحترم والمدرس المحترم والعالم المحترم؟؟؟؟المحترم
وبعدين يا بنى انا عارفه انك خلاص اجننت خلاص ومفيش امل فيك قوم نام وبطل احلام عشان ما تتاخرش عن الشغل
وسلام بقا.........

هههههههههههههههههههههههه


يبدو ان الستات واكلة دماغك وبتفكر كتير وخايف ف يوم تصحى تروح الشغل يقولوا احنا خلاص جبنا بدالك الست ههههههههههههه