بداية المجلة

من طرف أم مريومه الجمعة يوليو 04, 2008 12:09 am

اعزائى أعضاء المنتدى الكرام

ادارة المنتدى قررت حاجة أكيد هتسعدكوا جداً و خصوصاً انكوا انتوا اللى هتعملوها و تشاركوا فيها بنفسكوا

ايه الموضوع ده بقى؟؟؟؟؟!!!!!!

الموضوع هو…………………..

بداية المجلة 823512960870947245

مجلـــــة الصفـــــح الجميـــــــل

دى مجلة هتصدر باسم المنتدى
يكتبها أعضاء المنتدى

كل اللى يحب يشارك بأى موضوع يبعته على الخاص
للمدير العام / عيون القمر

ودلوقتى هقوللكوا على أقسام المجلة عشان كل عضو يحدد القسم اللى يحب يشارك فيه مع الموضوع اللى هيبعته

1- افتتاحية العدد – و دى طبعاً مش مفتوحة للمشاركه لأنها خاصة بالمدير العام

2- حكمة العدد – دى ممكن تكون آيه قرآنيه او حديث شريف أو حكمه مشهورة

3 – جمعية الصفح الجميل - و دى برضه مش مفتوحة للمشاركة لأنها من تخصص أعضاء الجمعية

4- اسلاميات - و ده يشمل كل الموضوعات السلامية من قرآن و سيرة و حديث و صحابه و ……..

5 – عالم الرجاله - وده باين من اسمه طبعاً

6 - معلومات عامة - و ده يشمل اى معلومه تكون مفيده و جديدة بالتفصيل بس مش الممل

7 – عالم الستات - طبعاً لاحظتوا الديموقراطية فى بدايتنا بالرجاله الاول

8 – العب و فكر - وده يشمل النكت والالغاز و القصص المضحكة و المسابقات و ………….

9 - ثنى مد - دى الصفحة الرياضية

10 – من كل بستان زهرة - دى تشمل فقرات متنوعة عن الكمبيوتر و الانترنت و الادب و الشعر وكل الموضوعات التى لا تندرج تحت اى قسم من الاقسام السابقة

11 – نشرة أخبار المنتدى- و دى برضه مش مفتوحة للمشاركة لأنها من تخصص الادا رة

فكرتوا هتكتبوا ايه و اللا لسه!!!!!
عايزين نشوف ابداع الاعضاء بسرعة

بس من غير تكرار اى موضوع من المواضيع الموجوده فى المنتدى

عايزين تميز فى المجلة عشان تكون مختلفة عن المنتدى

اللهم وفقنا الى صالح الأعمال

بداية المجلة P174