منتديات الصفح الجميل
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

سلسلة تعليم الطبخ للمبتدئات ( مكرونه بالبشاميل من مطبخى بالصور )

2 مشترك

اذهب الى الأسفل

???? سلسلة تعليم الطبخ للمبتدئات ( مكرونه بالبشاميل من مطبخى بالصور )

مُساهمة من طرف أم مريومه الخميس مايو 08, 2008 11:44 am

الاول نجهز صلصة الطماطم

بصلة متوسطة مبشورة

3 كوب عصير طماطم
250 جرام لحمة مفرومة
ملح - فلفل - زنجبيل مطحون - بهارات لحمة - ورق لورى - كبابة صينى

الطريقة

نشوح البصله فى ملعقة سمن و زيت لغايه ما لونها يبقى شفاف و بعدين نحط اللحمه المفرومة و نقلب لحد ما لونها يبقى بنى و نحط التوابل و الصلصة و نسيبها على نار متوسطة لما تتسبك بنسبه 80% عشان هناخد شويه من الصلصة من غير اللحمه و نقلبها على المكرونه هيطلعوا حوالى 3 أو 4 ملاعق كبار


صلصة البشاميل

متقلقوش منها هقوللكوا على طريقة سهلة قوى

3 1/2 ملاعق كبيرة دقيق
2 1/2 كوب لبن
ملعقة صغيرة سمن
2 بيضة
ملح - فلفل - كبابة صينى

الطريقة

هندوب الدقيق فى 1/2 كوبايه لبن و بعدين نصفيه من اى كلاكيع على بقية اللبن

ونحط السمن و التوابل و نحطه على النار لحد ما يتقل مع التقليب المستمر عشان ميكلكعش
وبعدين نرفعة من على النار و نحط البيض و نقلب بسرعة عشان البيض ميستويش فى سخونه البشامي

ايه رأيكوا سهلة و خفيفة

المكرونة

نسلق كيس مكرونه قلم فى ميه كتير بملح و زيت قليل عشان متلزقش فى بعضها و بعدين نصفيها

طريقة صينيه المكرونه بالبشاميل

هنحط شوية الصلصة اللى قلنا عليهم مع 5 أو 6 ملاعق كبار من البشاميل على المكرونه

هتبقى كده

سلسلة تعليم الطبخ للمبتدئات ( مكرونه بالبشاميل من مطبخى بالصور ) 593380970

وبعدين نجيب صينيه ندهنها بالسمن و نحط فيها نص المكرونه و بعدين الصلصة باللحمه المفرومة و بعدين بقية المكرونه

و نساويها كويس عشان لما نحط البشاميل على الوش يبقى شكلها حلو

سلسلة تعليم الطبخ للمبتدئات ( مكرونه بالبشاميل من مطبخى بالصور ) 407759683

وبعدين نحط البشاميل

سلسلة تعليم الطبخ للمبتدئات ( مكرونه بالبشاميل من مطبخى بالصور ) 449725506

وندخلها الفرن لحد ما الوش يحمر

سلسلة تعليم الطبخ للمبتدئات ( مكرونه بالبشاميل من مطبخى بالصور ) 177685161

و بالهنا و الشفا

سلسلة تعليم الطبخ للمبتدئات ( مكرونه بالبشاميل من مطبخى بالصور ) 775693153
ملاحظات

انا بحب احط على البشاميل و هو سخن 1/8 كيلو جبنه مبشورة ( رومى او شيدر) انا هنا حطيت شيدر و أكيد انتوا ملاحظينها فى الصورة الاولى


كمان البيض اللى حطيته على البشاميل بيدى لون و طعم يجنن بس لو مش عايزة بيض بلاش


التوابل اللى مش عندك مش مهم بس هى طبعاً بتفرق فى الطعم بس اهم ما فيهم الملح و الفلفل و بهارات اللحمة متهيألى دول موجودين فى كل بيت

أم مريومه
أم مريومه
مشرفه منتدي أسرتي
مشرفه منتدي أسرتي

عدد الرسائل : 446
العمر : 46
مزاجي : سلسلة تعليم الطبخ للمبتدئات ( مكرونه بالبشاميل من مطبخى بالصور ) Qatary23
انا : سلسلة تعليم الطبخ للمبتدئات ( مكرونه بالبشاميل من مطبخى بالصور ) Femal
نقاط تميزي : 18
تبادل اعلاني : سلسلة تعليم الطبخ للمبتدئات ( مكرونه بالبشاميل من مطبخى بالصور ) Shuq1b10
تاريخ التسجيل : 22/04/2008

الرجوع الى أعلى الصفحة اذهب الى الأسفل

???? رد: سلسلة تعليم الطبخ للمبتدئات ( مكرونه بالبشاميل من مطبخى بالصور )

مُساهمة من طرف محمد محيى السبت مايو 10, 2008 7:05 am

طيب هو انا مينفعش اكلها من الصوره
بجد بجد
رووووووووعه تسلمي
انا بقالي كتير بزن علي ماما تعملها بس هي مش راضيه لاننا مش بنعرف نعملها كويس
بس كده مالهاش حجه بقي
شكرااااااااااااااا
سلسلة تعليم الطبخ للمبتدئات ( مكرونه بالبشاميل من مطبخى بالصور ) 1089515888425910805

محمد محيى
المدير العام
المدير العام

عدد الرسائل : 1496
العمر : 51
دولتي : سلسلة تعليم الطبخ للمبتدئات ( مكرونه بالبشاميل من مطبخى بالصور ) Eg10
انا : سلسلة تعليم الطبخ للمبتدئات ( مكرونه بالبشاميل من مطبخى بالصور ) Femal
نقاط تميزي : 15
تبادل اعلاني : سلسلة تعليم الطبخ للمبتدئات ( مكرونه بالبشاميل من مطبخى بالصور ) Shuq1b10
تاريخ التسجيل : 10/04/2008

http://alsafwaa.yoo7.com/

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى