سلسلة تعليم الطبخ للمبتدئات ( مكرونه بالبشاميل من مطبخى بالصور )

استعرض الموضوع السابق استعرض الموضوع التالي اذهب الى الأسفل

سلسلة تعليم الطبخ للمبتدئات ( مكرونه بالبشاميل من مطبخى بالصور )

مُساهمة من طرف أم مريومه في الخميس مايو 08, 2008 11:44 am

الاول نجهز صلصة الطماطم

بصلة متوسطة مبشورة

3 كوب عصير طماطم
250 جرام لحمة مفرومة
ملح - فلفل - زنجبيل مطحون - بهارات لحمة - ورق لورى - كبابة صينى

الطريقة

نشوح البصله فى ملعقة سمن و زيت لغايه ما لونها يبقى شفاف و بعدين نحط اللحمه المفرومة و نقلب لحد ما لونها يبقى بنى و نحط التوابل و الصلصة و نسيبها على نار متوسطة لما تتسبك بنسبه 80% عشان هناخد شويه من الصلصة من غير اللحمه و نقلبها على المكرونه هيطلعوا حوالى 3 أو 4 ملاعق كبار


صلصة البشاميل

متقلقوش منها هقوللكوا على طريقة سهلة قوى

3 1/2 ملاعق كبيرة دقيق
2 1/2 كوب لبن
ملعقة صغيرة سمن
2 بيضة
ملح - فلفل - كبابة صينى

الطريقة

هندوب الدقيق فى 1/2 كوبايه لبن و بعدين نصفيه من اى كلاكيع على بقية اللبن

ونحط السمن و التوابل و نحطه على النار لحد ما يتقل مع التقليب المستمر عشان ميكلكعش
وبعدين نرفعة من على النار و نحط البيض و نقلب بسرعة عشان البيض ميستويش فى سخونه البشامي

ايه رأيكوا سهلة و خفيفة

المكرونة

نسلق كيس مكرونه قلم فى ميه كتير بملح و زيت قليل عشان متلزقش فى بعضها و بعدين نصفيها

طريقة صينيه المكرونه بالبشاميل

هنحط شوية الصلصة اللى قلنا عليهم مع 5 أو 6 ملاعق كبار من البشاميل على المكرونه

هتبقى كده



وبعدين نجيب صينيه ندهنها بالسمن و نحط فيها نص المكرونه و بعدين الصلصة باللحمه المفرومة و بعدين بقية المكرونه

و نساويها كويس عشان لما نحط البشاميل على الوش يبقى شكلها حلو



وبعدين نحط البشاميل



وندخلها الفرن لحد ما الوش يحمر



و بالهنا و الشفا


ملاحظات

انا بحب احط على البشاميل و هو سخن 1/8 كيلو جبنه مبشورة ( رومى او شيدر) انا هنا حطيت شيدر و أكيد انتوا ملاحظينها فى الصورة الاولى


كمان البيض اللى حطيته على البشاميل بيدى لون و طعم يجنن بس لو مش عايزة بيض بلاش


التوابل اللى مش عندك مش مهم بس هى طبعاً بتفرق فى الطعم بس اهم ما فيهم الملح و الفلفل و بهارات اللحمة متهيألى دول موجودين فى كل بيت

avatar
أم مريومه
مشرفه منتدي أسرتي
مشرفه منتدي أسرتي

عدد الرسائل : 446
العمر : 40
مزاجي :
انا :
نقاط تميزي : 18
تبادل اعلاني :
تاريخ التسجيل : 22/04/2008

الرجوع الى أعلى الصفحة اذهب الى الأسفل

رد: سلسلة تعليم الطبخ للمبتدئات ( مكرونه بالبشاميل من مطبخى بالصور )

مُساهمة من طرف محمد محيى في السبت مايو 10, 2008 7:05 am

طيب هو انا مينفعش اكلها من الصوره
بجد بجد
رووووووووعه تسلمي
انا بقالي كتير بزن علي ماما تعملها بس هي مش راضيه لاننا مش بنعرف نعملها كويس
بس كده مالهاش حجه بقي
شكرااااااااااااااا


محمد محيى
المدير العام
المدير العام

عدد الرسائل : 1493
العمر : 44
دولتي :
انا :
نقاط تميزي : 15
تبادل اعلاني :
تاريخ التسجيل : 10/04/2008

http://alsafwaa.yoo7.com/

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى