وانا اشارك في المنتدي لييييه؟

استعرض الموضوع السابق استعرض الموضوع التالي اذهب الى الأسفل

وانا اشارك في المنتدي لييييه؟

مُساهمة من طرف محمد محيى في الخميس يوليو 31, 2008 4:27 pm


ايه اللى يخلينى اشارك فى المنتدى؟؟......


الكلام دا ممكن يفكر فيه اى عضو اشترك جديد عشان ينزل فيلم ولا اغنيه

او اشترك عشان يشارك ..ومستمرش


يسال نفسه ايه الى هيخلينى اشارك

هستفيد ايه .ايه المصلحه اللى هتعود عليه

طالما الافلام موجوده

والاغانى. موجوده ..وجديده

والبرامج شغاله .....خلاص انا مالى ومال العالم دى

اوجع دماغى ليه



لو انتا فكرت كده....او ناوى على كده

اوقولك انا لأ والف لأ


لو كان الموضوع بالبساطه دى انا اول واحد مكنتش هشارك

ولا برد واحده حتى.

لو سالتك نفسك


لو سالت نفسك الاعضاء المتميزه....والمشرفين .......والمراقبين

ليه هما فى المكان اللى هما فيه؟

واسطه...........مظنش

دفعوا فلوس لاصحاب المنتدى...........لا طبعا

لكن الناس دى..حطت هدف قدامها وهو التميز

انها تقدر تحصل على اعجاب مديرى واعضاء المنتدى

دا لانها حطت هدف قدامها وسعت لتحقيقه

وحققته.

قدروا يثبتوا وجودهم.

وحازوا على اعجاب الناس......والاهم حققوا هدفهم



هل انتا تقدر تعمل زيهم

هل تقدر تثبت وجودك

تقول للناس اللى فى المنتدى انك متميز

انك عضو قدرت تتحقق هدفك

خلى المنتدى.......زى دنيا صغيره اثبت وجودك فيها

اثبت انك قادر على تحقيق هدفك

تقوللى وبعد كده انا برده استفدت اييه

اقولك اللى يثبت نفسه هنا......يثبت نفسه هناك

يعنى اللى يثبت نفسه فى المنتدى.....يقدر يثبت وجوده فى الحياه

واللى يحقق هدفه فى المنتدى....يقدر يحقق هدفه فى الحياه


ياترى انت انسان قادر على المواجه واثبات نفسك


ولا هتعمل نفسك ......مخدتش بالك من الموضوع ده

تحياتى

محمد محيى
المدير العام
المدير العام

عدد الرسائل : 1493
العمر : 44
دولتي :
انا :
نقاط تميزي : 15
تبادل اعلاني :
تاريخ التسجيل : 10/04/2008

http://alsafwaa.yoo7.com/

الرجوع الى أعلى الصفحة اذهب الى الأسفل

عضو غير متميز بالمرة

مُساهمة من طرف Semo في الجمعة أغسطس 01, 2008 12:46 am



انا هاتكلم وهاعتبر نفسى موكل عن الأعضاء اللى مش قادرين يثبتوا وجودهم والغير متميزين واللى مش قادرين يثبتوا نفسهم هناك ولا هنا واللى مش قادرين على المواجهة , واللى الظاهر ان المدير العام والاعضاء مش ملتمسين لهم أى أعذار
عضو المنتدى الذى لم يشارك مش يمكن أن هو يكون بيحاول يثبت نفسه هناك قبل مايثبت نفسه هنا
وممكن بيحاول يحقق هدفه فى الحياة قبل مايحقق هدفه هنا
وبعدين انا ليه أثبت وجودى فى الدنيا الصغيرة طالما انا دلوقتى فى طريقى لان اثبت نفسى فى الدنيا الكبيرة , فالمشاركة فى المنتديات ليس الهدف منها إثبات الوجود وإلا سيكون هذا هروب من عالم الواقع , فالمشاركة تنبع من حبك لصنع جسور تواصل مع الآخرين وخلق مواضيع وفتح مجال للنقاش وإبداء رايك فى كل مايدور حولك ومايجرى من احداث بدون ان تقيد بأغلال مأكثرها فى الحياة الحقيقية ,ورغبتك فى أن تشارك الآخرين أفكارك وأحلامك (بالرغم من ان الحياة الحقيقة هى أكبر قيد على انطلاقك)
فعذرا ايتها المدير إذا كانت مشاركات العضو من اجل ان يقال له انه متميز فأفضل له ان لا يشارك فى اى منتدى , لانه سيكون كالاهث وراء الثراب فهو يريد ان يضع رد هناك ويقوم بنقل موضوع من منتدى آخر ليقوم بوضعه هنا بطريقة قص ولصق من اجل أن يزيد من عدد مشاركته ويزيد عدد النجوم التى تعلو لقبه فى المنتدى او ليُنقل من فئة الى فئة أخرى او لكى يحصل على التميز .
فلهذا العضو اقول له لقد أضعت وقتك ووقتنا
إن مشاركة العضو النابعة من ذاته ومن رغبته فى المشاركة وحتى ان كانت هذه المشاركة يشوبها الكثير من الأخطاء وعدم الدقة أفضل بكثير من مشاركة منمقة الغرض منها فقط رفع الرصيد
وانا من رأيى ان العضو يكون فعال بمواضيعه المتميز وردوده الجدية عن أن يثبت انه مشارك بردود من نوعية شكرا وجميل وغيرها من الردود (باستثناء المواضيع التى لاتقتضى تعقيب وما أقلها)
وهذا يقودنا الى سؤال Question
ماهو مفهوم التميز فى المنتديات لان دا واقع كل المنتديات Exclamation Exclamation Exclamation
فالتميز فى أى منتدى يتم حسابه بعدد المشاركات سواء كانت مشاركات متميزة فعلا او مشاركات معظمها لا يحمل فى طياته اكثر من كلمة شكرا ( فهل هذا هو التميز Exclamation )
والمشرفين والمراقبين فى معظم المنتديات يتم اختيارهم على أساس عدد المشاركات لا نوعيتها( فهل هذا التمييز Exclamation )
وزى اللى موجود فى الدنيا الكبيرة موجود فى الدنيا الصغيرة (مجاملات - ومصالح ) أذكر انى فى أحد المنتديات قمت برد مطول تفاعلت فيه مع موضوع لأحد الأعضاء المميزين فى المنتدى فعقب هذا العضو على ردى وفى آخر تعقيبه سألنى انت بتكتب فى اى قسم علشان ابقى أشارك فى الردود وكأنه بيرد لى مجاملتى بزيادة عدد الردود على موضوعى Crying or Very sad Crying or Very sad Crying or Very sad
لكن دعونا نعود إلى موضوعنا مرة أخرى عن عدم المشاركة
ودعونى أسأل لماذا من غير المتوقع ان اقصى مايمكن ان يقوم به العضو اللى خايف من المواجه والغير مميز ( واللى ناقص ان المدير العام يضيف لصفاته الجبان الوغد الرعديد ويمد ايده من الموضوع وياخده قلمين)ان هو يتصفح المواضيع على عجالة , نظرا لمشغولياته فى العالم الحقيقى
وبعدين أى مجتمع لازم يكون متنوع هاتلاقى فى اى مجتمع النشيط والمتميز والغير متميز والخامل والمشغول والصبور واللى مش قادر يثبت نفسه يعنى العضو دا جزء لا يتجزء من مجتمع المنتدى
طبعا السؤال الاخير اللى بيطرح نفسه طيب ماانت كعضو مش فعال قدرت ترد وتكتب فى الموضوع دا وبالتالى تقدر تشارك Question Question
اقول ان من الصدف السعيدة انى تصفحت الموضوع دا يوم الجمعة صباحا وكان فيه وقت للرد .
ولكن هناك كلمة حق يجب ان تقال Very Happy
انا شاركت فى المنتدى من حوالى شهر ولم اجد منتدى يسير فى درب التطور بهذه الخطى السريعة كهذا المنتدى , فهناك أقسام جديدة دائما ومواضيع متميزة وإعادة ترتيب ومشرفين وأعضاء (غيرالاعضاء اللى مش عاوزين يثبتوا نفسهم)يبذلوا الكثير من الجهد ليصبح المنتدى نجم لامع فى سماء المنتديات ( مش عاوز اقول مدير عام من ضمن علشان مايحدش يقول دا بيهادن المدير العام ), وان واثق تمام الثقة ان المنتدى دا هايكون له شأن كبيرفى عالم المنتديات .
وفى النهاية أقول لجميع أعضاء المنتدى انكم متميزين سواء شاركتم او لا وانا على يقين انه سيآتى الوقت الذى سيشارك فيه الجميع فى مواضيع المنتدى .


ملحوظة :مسافر لمدة اسبوع فعذرا اذا لم اعقب على الردود

Semo
عضو جديد
عضو جديد

عدد الرسائل : 2
العمر : 40
دولتي :
انا :
نقاط تميزي : 10
دعاء :
تبادل اعلاني :
تاريخ التسجيل : 29/06/2008

الرجوع الى أعلى الصفحة اذهب الى الأسفل

رد: وانا اشارك في المنتدي لييييه؟

مُساهمة من طرف محمدالعيادى في الجمعة أغسطس 01, 2008 2:19 pm

العزيز سيمو تحيه عطرة بجميع العطور الجميلة فل يسمين تمر حنهرديت بالنيابة عنا ووكلت نفسك عننا مع العلم ان كل انسان مسؤل عن نفسه كما قلت قد يكون هناك سعى لشئ اسمى من المشاركة فى المنتديات ولاكن قد تكون المنتدى لبعض الاشخاص هوه الهدف والسما نشكرك على رايك ولاكن كان من الافضل ان نقول هذا رائى وليس موكلا عن الاعضاء فانا شخصيا وباللنابه عن نفسى لم اؤكلك لتتحدث عنى
عاشق للمنتدى محمد العيادى

محمدالعيادى
عضو جديد
عضو جديد

عدد الرسائل : 39
العمر : 44
دولتي :
نقاط تميزي : 10
تبادل اعلاني :
تاريخ التسجيل : 17/05/2008

الرجوع الى أعلى الصفحة اذهب الى الأسفل

رد: وانا اشارك في المنتدي لييييه؟

مُساهمة من طرف hesham3310 في الجمعة أغسطس 01, 2008 2:56 pm

قصيدة طويلة عريضة ليس منها اى هدف وعلي فكرة الا بياخد موضوع منقول بيقول عليه في المنتدي دا ودي حاجة انا شفتها كان افيدلك انك تشارك بحاجة مفيدة والا انت عملته دا بيدل انك بتسعي للشهرة
avatar
hesham3310
عضو مميز
عضو مميز

عدد الرسائل : 104
العمر : 34
دولتي :
نقاط تميزي : 16
تبادل اعلاني :
تاريخ التسجيل : 27/06/2008

الرجوع الى أعلى الصفحة اذهب الى الأسفل

رد: وانا اشارك في المنتدي لييييه؟

مُساهمة من طرف عصام في الجمعة أغسطس 01, 2008 3:45 pm

ايه ياجماعه ده كله
بصو انا هرد علي حاجه حاجه
اولا بالنسبه لعيون انا شايف انها بتكتب كده لانها نفسها زي اي حد عنده منتدي انه يكون مشهور ومتميز وفعلا الاعضاء نشاطهم قليل بس هس موجهتش الموضوع لشخص معين ولاضربت حد علي ايده
هو موضوع عام يعني مش قضيه ومكنش المفروض ياخد الحجم ده كله


بالنسبه للعضو سيمو هو الموضوع كبر من عندك
اولا انت مش موكل عن كل الاعضاء لاننا كل واحد بيتكلم عن نفسه
وبالنسبه لكلامك اللي اخد اكثر من حده
انا واحد من الناس بشتغل وعندي زوجه واولاد بس لما بدخل بحاول اشوف ايه الجديد واستفاد ولوعندي حاجه جديده اضيفها وخلاص
يعني بصراحه اهو احسن من الشات وكده
انا حتي الان بحاول اجمع كلامك ايه مراده مش عارف
انا هاخد الكلام ده

وفى النهاية أقول لجميع أعضاء المنتدى انكم متميزين سواء شاركتم او لا وانا على يقين انه سيآتى الوقت الذى سيشارك فيه الجميع فى مواضيع المنتدى .

مااحنا عارفين اننا متميزين ومش محتاجين حد يقولنا ده
واحنا علي قد مانقدر بنشارك ولو في ناس نعرفهم بنعرفهم بالمنتدي
انا شوفت كتبت كلام كتير بس برده مش فاهم انت عاوز ايه؟؟؟؟؟؟؟؟؟؟؟؟؟

بالنسبه للعضوين الكريمين
محمد العيادي
وهشام
انا بضم صوتي لصوتهم
لاني بجد مش فاهملك
ومتزعلش مننا كلنا هنا اخوات بتجمعنا منتدي واحد ونتمني ان علاقتنا تزيد ان شاء الله

وعيون مردتش انا عارف انها مزبهله باللي انت كتبته هههههههههههههههههه
وتلاقيها اتصدمت هو انا معرفهاش شخصيا بس انا لومكانها احذف المنتدي وارتاح
بس واضح انها شخصيه عقلانيه
واحنا معاكي ياعيون وان شاء الله هيكون المنتدي احسن مايكون
انتي اختنا الصغيره واكيد كلنا هنقف جنبك ان شاء الله

عصام
عضو مميز
عضو مميز

عدد الرسائل : 104
العمر : 40
نقاط تميزي : 10
تبادل اعلاني :
تاريخ التسجيل : 19/06/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى